Latviyalı  rəssam İveta Vetsenanenin  Bakıda sərgisi açılıb.
Latviyanın Azərbaycan Respublikasındakı Səfirliyi

Latviyanın Azərbaycan Respublikasındakı Səfirliyi

Latviyalı rəssam İveta Vetsenanenin Bakıda sərgisi açılıb.

Müasir İncəsənət Muzeyində latviyalı qadın rəssam İveta Vetsenanenin "Müasir incəsənət zövqü. Kəhrəba saplardan dalğalar” adlı fərdi sərgisinin açılışı olub.

 Açılış mərasimində çıxış edən Latviyanın ölkəmizdəki səfiri Yuris Maklakovs sərginin 3-cü Imagine Europe tolerantlıq festivalı çərçivəsində keçirildiyini qeyd edib. O əlavə edib ki, Latviya Respublikasının 100 illiyinə həsr edilmiş festival mayın 1-dən 14-dək davam edəcək.

 Qeyd olunub ki, sərgidə 20-dən çox qobelen təqdim edilib. Sərginin eksponatları sırasında kəhrəba saplarla işlənmiş və əvvəllər heç bir yerdə nümayiş etdirilməyən qobelenlər var.

 İveta Vetsenane 1962-ci il sentyabrın 24-də Riqada dünyaya gəlib. Rəssam 1988-ci ildə Latviya Rəssamlıq Akademiyasını toxuculuq sənəti ixtisası üzrə bitirib. Gözəl rəssam və xeyirxah insan olan İveta müxtəlif sahələr üzrə çalışır, populyar jurnallar üçün məqalələr, uşaq kitabları yazır və onlar üçün illüstrasiyalar hazırlayır. O, 1996-cı ildən Latviya Rəssam-Toxucular Assosiasiyasının üzvüdür.

  İveta Vetsenane özündən bəhs edərkən qeyd edir ki, hələ uşaqlıqdan təbiət vurğunu olub. Böyük və əhatəli əsərlər yaratmağı xoşlayır. Onun son yeniliyi kəhrəba liflərin qobelendə istifadəsidir. Bu sapları isə kəhrəba və poliamid tozlarının qarışığından əldə edirlər.

 Rəssam 1986-cı ildən Latviya, Estoniya, Litva, Çexiya, Finlandiya, Rusiya, ABŞ, Almaniya, Lüksemburq, İtaliya, Ukrayna və digər ölkələrdə keçirilən müxtəlif sərgilərdə iştirak edir. Onun əsərləri Latviya Milli Rəssamlıq Muzeyində, digər Baltik ölkələrinin muzeylərində və fərdi kolleksiyalarda saxlanılır.

Şərh yalnız qeydiyyatlı istifadəçilər üçün açıqdı
Latviyanın Azərbaycan Respublikasındakı Səfirliyi

Latviyanın Azərbaycan Respublikasındakı Səfirliyi

Oxşar xəbərlər